(( أشعار))

حزن...

جار الزمان ولوع القلب تلويع
وصارت بـلاوي دنيتي تمتحني
يالله دخيلك طالبك قبل لا اضيع
تاخذ بيديني وتبعد الهـم عـني
الحزن قطعني على شكل تقطيع
صار الحزن ياخذ تواصيف مني




فرح...

عيني وقلبي وعقلي يحبونك
وان بغيت الحقيقة كلي احبك
عاشقك..عاشق اوصافك ومجنوك
في الزعل والرضا قلبي على قلبك
اوعدك ماجرح احساسك ولا اخونك
كيف بفرح بغيرك..والفرح قربك
مع نسايم عبيرك مالت غصونك
ومالت النفس معك وسرت بدربك




أمل...

شمس الأمل غابت وليل الياس طال
واحترت بين الحب وأقوال العذول
قلبي سألني عنك واحتار السؤال
قل لي..لقلبي ياحبيبي ويش اقول ؟
أقول هاجر..لاحشى هذا محال
حنان قلبك دون هجرانك يحول
انت الذي علمتني معنى الكمال
ماظنتي تعمل بعكس اللي تقول



يأس...

ياحبيبا أين من عيني سناه
كلما عنَّ لقلبي قلت آه
أقفرت أيام عمري بعده
واعتراني اليأس من كل اتجاه
ما لذيذ العيش إلا قربه
يسعد المحروم بل يمحو شقاه
وأنا تهت وحالي حاله
وهو في بحر من الآلام تاه



موووت...

موت فيني واندفن فيك بثياب الحداد
وان حييت اموت لرضاك و احيابك بهون
مرة ارقد بالكفن وانت ترقد بالمهاد
ومرة ارقد بالمهاد وانت ترقد بالكفن



حياااة...

يا عيوني أنت يابعد كل حالي
أنت بحياتي شي ما يشبهه شي
مشاعري يمك تنادي آمالي
وأنت لقلبي كنك النبض والضي
زيد التغلي بس هات وصالي
أنت ضميرك حي وأنا بعد حي